肯薩斯鹽湖城細均力敵

猪拉多纳

美職季後賽總決賽由兩支仇口甚深嘅球隊對碰，東、西岸常規賽「二哥」肯薩斯體育會同皇家鹽湖城爭奪呢項最高榮譽。肯薩斯體育會係常規賽「防守之王」，失球數字最少，被當地球迷指係醜陋足球代表，但今季確實做到好成績，證實呢條方程式係Work，相信佢哋會繼續「醜陋」落去，作客嘅鹽湖城雖然攻力不俗，但一場過比賽勝負難料，寧願揀入球細。
仇人見面步步為營

兩軍喺今年七月常規賽碰頭，肯薩斯作客以2比1贏波，致勝入球喺補時7分鐘取得，當時引發好多爭論，亦從此鹽湖城當正肯薩斯係仇人。估唔到兩軍最終喺季後賽決賽碰頭，今仗為一場過定勝負，不論形勢上或踢法上，肯薩斯相信會繼續以防守為主。

鹽湖城雖然攻力不俗，而且呢支09年總冠軍今日非常齊腳，唔同上次輸波咁冇咗五名主力，但兩軍對疊一向唔旺大，上次都係補時先開個大，今日步步為營之下，入波唔會多，揀細盤。
TVB 302直播