|
|
森多利亞新帥米赫洛域腳頭唔錯，連盃在內上任三場未輸過，頭兩場喺聯賽對住勁旅拉素及國際米蘭都搶番一分，呢兩隊都係米赫洛域曾經効力過。森多利亞今晚主場迎戰嘅對手卡坦尼亞，咁蹺又係米帥嘅舊東家。09年12月米赫洛域臨危受命，接掌水深火熱嘅卡坦尼亞，當季不但帶領該隊護級成功，仲擊敗過聯賽盟主國米，立即成為教壇搶手貨。
卡坦尼亞今季作客輸晒
人望高處，米赫洛域之後揀咗執教實力更強嘅費倫天拿亦無可厚非，可惜結局衰到貼地。不過呢位球員時代踢過森多利亞嘅名將就話，森多畀佢有屋企嘅感覺，呢度嘅粉絲勁支持佢，將會成為其執教生涯嘅轉捩點，上周中意盃「水手兵」以4比1大勝維羅納，睇得出喺米帥鞭策下，眾將重拾信心，相反卡坦尼亞不但近八仗贏得一場，今季作客更全部輸晒，見到都唔開胃，好難喺狀態復甦嘅森多利亞身上搶到分，主勝不容錯過。
（TVB 302周日晚10時直播） |
|
金睛卡
发表于 2013-12-8 10:41
变色卡
显身卡