QPR添強援 上盤掂呀

猪拉多纳

曾喺英超打滾嘅黑池及昆士柏流浪(QPR)同是天涯淪落人，今晚將喺次級聯賽英冠碰頭，黑池雖有主場之利，但近況好麻麻，而QPR喺對賽往績佔優，近十二次對碰QPR只係輸咗一場，今場讓平半，上盤捧得過。
黑池4大主力停賽

今季喺英冠開局唔錯嘅黑池近期狀態回落，近五仗僅得一勝，上場作客仲要畀打比郡大炒1比5，士氣嚴重受挫，喺聯賽榜跌到落第七位，今仗更有4大主力停賽，包括前鋒富拿、中場安祖施維拿同尼路比索，以及中堅加利麥堅斯，兵源勁缺乏，球隊實力大削。相反QPR人腳較為齊整，中場主力卡蘭積卡已傷愈，上仗後備入替，今場或可正選上陣，而且QPR啱啱仲簽入「魔術師」班拿約增強實力，喺此消彼長之嘅情況下，QPR今仗小讓平半，上盤可取。　　
TVB 301直播