祖記搏殘撐薩斯索羅

猪拉多纳

英超名牌球隊曼聯今季打聯賽走晒樣，佢哋本來今季評級排第三，踢落唔多對辦，不過，呢班波唔係咁曳，只要企返穩陣腳，相信可重上升軌。「紅魔鬼」今次作客阿士東維拉，唔少人輸到怕唔敢掂，肥叔就拗頸撐上盤，佢哋再唔砌連下屆歐聯都冇得打，呢場係時候反彈。

講返今次重心推介，意甲班霸祖雲達斯主場對薩斯索羅，博下盤！祖記歐聯出局返聯賽鬥弱旅，好多人預期佢哋會大勝，咁諗好正常，但呢班波剛喺加拉塔沙雷地獄主場打雪戰，仲要連砌兩日，身心受創，已經搏殘，今次讓到球半、兩球太多，真係好牙煙，呢場要下盤，兼顧大盤，博雙殺！

（TVB 302周一凌晨1時30分直播）
「金絲雀」做東歎「天鵝」

同日英超賽事「金絲雀」諾域治主場對「天鵝」史雲斯，捧主隊！論級數「天鵝」一定高過「金絲雀」，但呢隊波人腳有限，要兼顧歐霸盃雙線作戰實在太吃力喇，今季佢哋喺英超打落明顯走咗樣，唔好睇得太高。諾域治實力有限，勝在識揀波踢，主場搏殺成功率都幾高，呢次莊家開平手盤，正路揀番主隊。

（now 622周日晚9時30分直播）