揀得正回氣再上

不死鸟

第六場二班1200米。大摩今場布強陣，「紀利威龍」用馬偉昌，主帥則騎「步步快」，必有頭馬甚至有權埋Q。「步步快」上次揀泥地作首戰，結果遠遠落敗，原因歸咎於起步不久便馬鞍滑移，根本無跑過，就當一課試閘好了，這次捲土重來揀大賽日復出，同程在外地早已證明過能力，「步步」系季內未有建樹，主力必在此駒身上。
「紀利威龍」轉三歲馬跑到目前全有獎金落袋是準得出奇，用馬偉昌抽二檔，配合前駒聯袂而來，足以食埋馬房Q。「贏得住」上次搏輸，今仗刻意少快操谷力谷火，改配梁家俊貪減10磅，學上次早早擺前跑，有權入三甲。「鼓浪天風」目前評分只限窄幅上落，勝在用蘇銘倫必有決心，抽外檔對這匹後上馬影響不大，三甲有機。
第三場三班1800米。「揀得正」上次備受睇好下三甲不大，落敗關乎長途馬隔了三個半月復出，經一仗重新撻�簦�埋門泥閘後上凌厲，這次揀三班負磅大減再跑1800米，競爭力半點不減，普萊西接手戰意必堅，有權補中。