熱刺修心養性博反彈

猪拉多纳

衰到貼地班兵都知醜

熱刺畀曼城喪炒6粒，又食利物浦5隻光蛋，跟住喺英格蘭聯賽盃畀韋斯咸踢出局，今晚英超作客對住連續五場不勝嘅修咸頓係大翻身好機會，相信熱刺班球員用表現令所有恥笑佢哋嘅人收聲，有得受讓下，1.53倍讓球客勝可取。

（now 621周日晚9時30分直播）

熱刺怒炒領隊保亞斯改由名宿舒活暫代領隊一職，但好多人都認為保亞斯只係代罪羔羊，主因係技術總監巴甸尼買入嘅球員都唔係保帥心頭好，而主席利維又唔畀時間佢執好隊波，熱刺先會淪落到依家咁樣。

球隊表現唔好，領隊需負上一定責任外，落場球員表現好唔好先係直接因素。呢班熱刺新兵成日畀人話佢哋高價低能，依家唯一可以令到批評者收聲嘅方法就係踢番場好波，證明佢哋物有所值！
舒活誓顯功架抓飯票

熱刺看守領隊舒活亦都想證明自己，賽前佢話想成為熱刺長期領隊，雖然舒活上場喺聯賽盃首次領軍對韋斯咸就輸波，但其實睇番球隊表現已有起色，今仗對住近五場聯賽未贏過嘅修咸頓有望搶分。熱刺個領隊位接任人選謠言滿天飛，連修咸頓領隊普捷天奴都係候選人之一，舒活面對呢個潛在競爭對手，更唔可以失威，熱刺受讓值捧。