備忘馬：青春得意

猪拉多纳

　　「青春得意」早段留後，拉士竟憑一條直路贏馬，後勁唔簡單。「領航精神」韋達轉彎發力佔先機才入位，下次要睇邊個騎。「天地福星」入直路乾晒。

　　備忘馬：咁都得

　　「閃耀之星」負頂磅排外檔仍可憑後勁贏馬，四班數。「咁都得」上仗贏馬加分後，今次仍跑入位置，有分在手。「奀皮仔」一日唔改側頭惡習難贏。

　　備忘馬：萬眾期待

　　「勝算高」升班一樣衝贏對手，確有進步。「萬眾期待」連續兩仗跑近，快可出頭。「喜利高」放入一席第三，主動跑法始終煞食。「狄奧圖」匆出欠表現。

　　備忘馬：勝將

　　「正紅旗」全程守靚位贏馬，彭利力應記一功。「勝將」閘前落飛即殺入Q，好快贏得。「旅遊尖子」始終太均速，或要再增程。「過關勇將」冇段好睇，令人失望。

　　備忘馬：電子福星

　　「迎風飄揚」輕鬆再贏，至今三戰谷草一哩全勝，新一代路程專家。「電子福星」力拼入Q，下仗遇較弱對手可補中。「皇者拍檔」始終跑法太被動，唔易出頭。

　　備忘馬：歡笑多多

　　「喜益善」冇意外即輕鬆大勝，仲有好多分在手。「聖驛善」姍姍來遲，一味靠追始終蝕底。「歡笑多多」力拼入位，響呢班吼準機會應有得贏。「八心之鑽」有復甦感。

　　備忘馬：歡樂時光

　　「歡樂時光」轉回谷草短途，拉士如飛撲上贏馬，睇此程更好。「金滿載」雖然敗給前駒，但兩駒雙雙彈甩主馬群，仍要追捧。「花月佳期」獲季屬人棄我取。

　　備忘馬：經濟達人

　　「喜多盈」最後二百米仁望空後即趕過頭馬獲勝，竄勁強橫。「牛精仔」有前有後，愈跑愈進步。「經濟達人」末段連番擠阻仍入位，實力高強。