威武雄星四班難留

不死鸟

馬會為打自由行大陸客的主意，特登唔跑周三移師跑周五（五一黃金周），跟住未夠皮再跑埋星期日，實行賺到盡，偏偏近期發生「豬流感事件」，又睇�型蹲㈩~會高成點？
數近期大紅人，非柏寶莫屬，新近三捷兼爆冷捧走冠軍一哩賽，又封埋騎師王，今次五一假期日馬，十一場賽事柏寶只有第八場皇太后盃坐冷板，其餘十場都坐擁強兵，再大演一次帽子戲法極有可能，跟紅頂白值得倚作扶手棍。其中尤為看好第四場之「威武雄星」及第十場的「千杯不醉」。
第四場四班1600米（草地）。方廐「威武雄星」踏入季尾不斷進步，上賽是少數能夠克服外疊不利場地贏馬例子，證明戰鬥力不斷推高，這次較上賽多負六磅，原班再戰阻力不大，配合馬房全日攻勢，再捷可期。
第十一場一班1400米。「豐綵」上賽幾乎拍住「好先生」同到，頭馬是「閒話一句」呢，復課加強準備，埋門再試泥閘進一步省起狀態，休息兩個月縮程爭1400米無問題，結合同場有「國中之星」、「璐悅」做主動步，「綵」系季內一再無功而還鬥志必加零一，有望勝出漂亮一仗。