巴塞「-2」打爆「基」

猪拉多纳

阿歷斯山齊士腳風順

巴塞上場大炒艾爾切4:0，除咗主場連勝紀錄增加至12場外，亦係佢哋近8場比賽中第2次保持清白身，可見「地上最強」經小休後狀態返晒嚟。佢哋聽朝喺西班牙盃16強首回合主場恭候近況麻麻嘅基達菲，就算讓兩球都冇有怕，1.75倍「讓球主勝」要追。

（now632台周四清晨5:00直播）

大家最關心球王美斯幾時復出，巴塞主帥馬天奴指佢已經復操，但需要時間調整狀態，預計今仗繼續休息。不過翼鋒阿歷斯山齊士狀態大勇，上仗更首次為球隊上演帽子戲法，連罰球都難佢唔到，就知佢信心爆棚。另一個好消息係，球會目標慕遜加柏門將達史特根尋日表明唔會續約，睇怕巴塞想買呢位域陀華迪斯接班人已經冇咩障礙。
達史特根拒續約勢投地上最強

對手基達菲狀態低迷，上仗慘吞西維爾3蛋。事實上基達菲對住巴塞冇咩好下場，兩軍近4次交手，佢哋輸3粒已係最低消費，睇怕佢哋今仗都準備好捧蛋。