蘇B穩陣派啱晒卡迪夫城

猪拉多纳

睇開《東方波經》嘅，都知渡邊年一向有留意開挪威嗰邊嘅賽事，尤其近兩年莫迪稱霸挪威，渡邊年可以話見證住蘇斯克查王朝嘅崛起。估唔到話咁快可以喺電視直播睇住「蘇B」指揮，今日佢嘅卡迪夫城主場對韋斯咸，蘇斯克查嘅執教哲學係攻守平衡，唔會喪攻，亦唔刻意守，對住下游球隊應可順利贏波，讓平半可取。

蘇斯克查喺挪威執教莫迪三年，攞到兩次聯賽一個盃賽冠軍，但佢教嘅球隊得失球都唔係特別標青，屬於穩打穩紮型，呢種風格就最啱現時嘅嘅卡迪夫城，卡城之前對強隊輸仲有得傾，但對住中下游球隊都攞唔到分就冇得好講，「蘇B」嚟到就解決咗呢個問題。
韋斯咸士氣跌谷底

今場對手韋斯咸其實同之前馬基麥基執教緊嘅卡城情況相似，攻守都唔穩陣，佢哋仲要接連喺足總盃同英聯賽畀諾定咸森林及曼城大炒，士氣跌到谷底。今仗護級六分波都係相信蘇斯克查多啲，小讓平半要上盤。
now 624直播