墨爾本西悉尼駁火做大騷

猪拉多纳

今日有場澳職獨腳戲，由墨爾本勝利主場迎戰西悉尼流浪者，前者3場不勝後跌落聯賽第4，為免再被拋開今仗肯定主動出擊。對手西悉尼亦要搶分追近榜首布里斯班獅吼，兩軍鬥攻2.05倍入球大諗得過。

（有線64及203周二下午4:30直播）

墨爾本勝利今仗唔止有隊長米利根復出領軍，前鋒艾奇湯臣亦有望掛帥攻堅，搭埋件排喺聯賽射手榜首位嘅杜羅奧斯逐漸搵番比賽狀態，呢位中場上場波仲差啲射入靚波添，前線咁齊章，有力攻破西悉尼大門。

另邊廂嘅西悉尼流浪者鋒力可靠，聯賽至今只得1場食白果，以馬克布歷治、辛達利比為首嘅鋒線最近亦輪住開火，今仗對住連續4場都有失波嘅墨爾本，想攞「士哥」應該唔難，一場「入球騷」睇怕都走唔甩。