維達爾着晒火 祖記作客照o趙雌狼

猪拉多纳

祖雲達斯呢期着晒火，歐聯出局之後場場都入3、4球，中場發電機維達爾喺呢6場有4球進帳，今季已經喺各大比賽累積15個入球，狀態真係Fit到漏油。「老婦人」今晚意大利盃8強作客羅馬，前者早前先喺聯賽以3:0大炒首都球隊，今場捧2.32倍客W，撐Old Lady再贏多次！

（now633、660台周三凌晨3:45直播）

維達爾今季狀態認真掂，上上落落助攻助守，仲不時有波入，依家喺所有比賽入咗15球，仲多過射手泰維斯（11球）。
勁入15球多過泰維斯

冇錯，維達爾有6個入球嚟自12碼，不過佢做劊子手只曾兩次射失，成績相當亮麗。雖然今場祖記教練干地或會變陣留力，但維達爾咁好狀態，應該會喺呢場大戰上陣。至於後防悍將基亞連尼下場聯賽對拉素要停賽，今場可以更加放心搏殺。

羅馬除咗後衞巴沙列堤繼續養傷外，其他球員都可候命上陣。教練魯迪加西亞可能會收起迪羅斯，用比真歷、史杜特文同尼恩蘭高組成3人中場，前面依舊倚重費奧倫斯、托迪同謝雲奴攻堅。雖然強陣對祖記，問題係對手近期咁好態，羅馬真係唔多夠砌。

意盃賽制今輪為8強賽事，法定時間內打和將加時30分鐘，未分勝負則以互射12碼決勝。