荀盤益你:好芝味鬥志必堅

不死鸟

除咗馬匹操練、檔位、血統呢類正統數據外，有啲馬迷落注?陣亦鍾意睇嘅馬名，今戰有幾匹「好」字頭馬特別嘅心水，一於同大家研究。先講第二場嘅「好德煌」，上仗以極輕鬆姿態後上贏谷草千二米，賽後加十分就知評磅員相當重視呢匹四歲馬。今次韋達停賽再由柏寶操刀，騎者跑落自然格外留神，轉爭田草應更合追趕，兼且有「中華英雄」、「新威」同場，估計早段步速唔會慢，咁就啱晒「好德煌」發揮。

        另一匹有機會?係第三場「好芝味」，歷來兩戰泥地得冠季軍各一，尤其上仗排十檔跑泥地一哩形勢不利，但仍喺杜利萊胯下險勝「天祿」短頭位﹔今仗續爭三班同程，只比上仗多負四磅之餘，對手實力卻未見大幅增強，抽排七檔已有秤先必要。黃汝安馬房仲未達到十三W嘅發牌要求，但只差少少，估計出得嘅馬實搏得就搏，有力跟「好德煌」包辦一口熱門孖寶。

       足智彩方面，德甲已鬥到入最後直路，拜仁慕尼黑上仗主場輸畀史浩克04○比一，賽後教練奇連士文即時被炒，依家落後榜首禾夫斯堡三分排第三，但聯賽仲有五輪，爭標仲未絕望，但首要條件係今晚喺主場贏慕遜加柏全取三分。

拜仁主場穩贏

        上仗拜仁主場輸波，但表現唔算好差，其中仲有一次射門中楣，根據資料顯示，今季拜仁未試過連續兩場喺主場冇波入，而十四次主場賽事中，居然有八場每次入三球或以上，今場對住弱旅慕遜加柏，相信有力贏波振奮士氣。

       慕遜加柏暫排尾二，如再冇分落袋，下季隨時降落乙組作賽，可惜近六次作客鬥拜仁只得一和五負（雖然部分賽事唔喺安聯球場踢），但當中有四次輸兩粒或以上，至少證明佢畀主隊食到應，正路捧讓球主客和主勝，博拜仁至少贏兩球。