博大摩頭盤食得出

不死鸟

今屆女皇盃，由英國代表「百威勝」技壓主隊「爆冷」奪魁，兩位練馬師有喜有悲，古萬尼繼「飛霸」之後再度揚威香江。
另一邊廂，失落獎盃的大摩都應該輸得心服口服，今次賽事兩位可能由仇人變恩人，所指的是新一匹大摩馬房團體馬「頭盤」；這英國自購馬外地四戰兩勝，當時正是古萬尼馬房麾下，其中一場勝仗於膠沙地大勝四個半馬位，加上父母兩線均為美國馬，跑泥地肯定在能力範圍內，博「頭盤」食得出。
由大摩搜羅的自購馬多屬佳品，胡森今季也購入不少好?，如「至勇威龍」及「至勇飛龍」這對同主馬，今次亦有匹新自購馬「好快活」；這匹四歲馬來自澳洲維省，在當地由韋健仕主理，曾七戰得三冠三季，屬於後上型短途馬，三場頭馬於鄉鎮馬場取得，但也在費明頓、滿利谷馬場上過名，水準唔曳，預計在三班可站得住腳。