惡客屈福特剷平森林

猪拉多纳

新陣發揮佳打起信心

屈福特上周六喺足總盃賽事震驚球壇一粒鐘，竟然喺曼城個「無敵主場」一度領先2:0，雖然最後反輸2:4功虧一簣，之不過呢60分鐘嘅表現，已經足以打起晒成班球員嘅自信。今晚佢哋喺「戰術大師」辛連奴領軍下造訪諾定咸森林，照計有得鍊，屈福特受讓一球，1.82倍「讓球客勝」抵玩。

（TVB301及GT周五凌晨3:45直播）
蘭斯貝利停賽 森林創造力減

之所以話屈福特主帥辛連奴係「戰術大師」，皆因佢喺足總盃第4圈鬥曼城場波前一日，先至首次安排球員打3421嘅新陣式，估唔到效果咁理想，仲幾乎搞到「藍月亮」踩蕉皮，連帶球員個個都心雄晒。

對手森林雖然已經連續11場不敗，不過佢哋今晚有中場主力蘭斯貝利停賽，早前對住下游嘅保頓亦失分，表現唔算得十分穩定，撞正雄心壯志嘅屈福特，實在難言穩勝，依家更要讓波，睇好屈福特頂得住開「讓客」。