巴塞要剃「蘇」好事成雙

猪拉多纳

維蘭路華 尼馬 沙維攞獎

巴塞隆拿今晚喺西班牙盃4強首回合，主場出戰皇家蘇斯達。雖然巴塞啱啱輸畀華倫西亞2:3，但球隊勝在反彈力強，今晚對作客強隊腳軟嘅皇蘇，讓2球都唔怕，撐1.85倍「讓主」。

（now632台周四清晨5:00直播）
皇蘇作客三強坐底失4球

巴塞賽前收到好消息，前教練維蘭路華、射手尼馬、中場沙維分別獲西班牙《世界體育報》頒贈2013年度最佳教練、國際球員獎同非凡成就獎。既然攞獎咁威，今仗仲唔大炒對手省靚招牌？事實上，巴塞上次喺聯賽輸畀畢爾包後，即時回勇連勝7場，當中更轟入28球。雖然今仗尼馬養傷，但仲有美斯壓陣，呢位射手上場有「士哥」之餘又交出助攻，有力帶領球隊強勢反彈。

皇蘇啱啱作客慘吞馬體會4蛋，當中3球更喺末段連環失守，主帥阿拉沙迪都話唔明點解隊波會突然失魂。睇番佢哋今季作客巴塞、皇馬、馬體會全部腳仔軟，每場仲至少失4球，撞正要反彈嘅巴塞睇怕都係無運行。