捧場客信真誠真意

猪拉多纳

　　周末跑馬唔爆就假，噚晚睇飛，除第六場「天笑」同第七場「嫡愛」係一面倒大熱門外，其他八場飛都好亂，最好小心。

　　噚日發現兩匹馬排外檔，但飛數唔單止冇少，仲愈來愈熱，佢分別係第四場「雅」同埋第九場「真誠真意」（見表）。兩駒之中，後駒落飛幅度可以用誇張形容，所以揀佢。

　　「真誠真意」今季四戰得一季，但係可能因為田草1400米係盲門路程，就算大前仗谷草1200米入三甲，前仗轉去田草1400米反而冷至79倍，上仗再跑同程亦有67倍。偏偏今次佢繼續跑田草1400米排九檔，隔晚個W竟得5.4倍，P仲得一戙，信心十足可能有計，要捧。騎師王方面，莫雷拉騎足十場得1.6倍，唔好拗頸。(周仲)