曼城作客手起刀諾

猪拉多纳

新敗之後搵人發洩

英超二哥曼城今晚作客鬥下游球隊諾域治，「藍月亮」上一輪剛被車路士打破今季主場聯賽全勝金身，谷埋一肚氣要搵地方發洩，金絲雀近幾季對親曼城都輸鑊甘，讓球客勝同大盤都可以放心捧場。

（now 622周六晚11時直播）

曼城上場主場不敵車路士，前鋒阿古路、中場拿斯尼及費蘭甸奴受傷缺陣明顯影響咗發揮，不過，今場對手只係諾域治，級數和車路士比根本冇得揮，就算以上幾名傷兵繼續倦勤，沿用去仗陣容相信一樣夠殺。
諾域治預咗輸鑊甘

曼城近期作客演出比起季初已經大有改進，對上4場作客聯賽全勝兼攻入14球。諾域治自11至12球季重返英超以來，最近5次聯賽鬥曼城唔單只全部輸晒，而且仲輸過1比5、1比6及0比7等懸殊比數，相當誇張。諾域治下周中將要作客韋斯咸進行護級大戰，一旦早失波，分分鐘採放棄態度留力下仗搶分，畀曼城再大炒一場一啲都唔奇！