賭得靈活:靚太陽火併好活力

不死鸟

第四場五班千四米，「靚太陽」今季出賽次數頻密，不過演出尚算平穩，季內已累積一勝三位紀錄，尤其出爭千四米賽事時，表現可謂更加突出。此駒上次跑谷草一千米，路程不合但中段走勢依然不俗，只因路程太短，未能回氣下才告大敗而回。

        今次「靚太陽」回師強項，轉用受讓十磅的楊明綸壓陣，對其放鳶戰術必定更有利，加上幸運地抽得一檔起步，預計能順利貼欄放出的機會極高，同場對手實力平平無奇，形勢大好，有力取得季內第二場頭馬。

        「好活力」目前只得三歲，但由於早期演出平凡，結果評分減得極快，近期降至五班作賽後，一連兩仗均跑第四，表現大有進步，明顯已具反彈能力。連番試準後，今戰續用蔡明紹減磅出擊，埋門操練亦比前積極，今仗有力打破三零部隊的惡名，乃「靚太陽」最強對手。

        「葵扇煙」經歷一段低潮後，近期轉戰五班卻已獲得季軍及第五名各一，演出趨向穩定，今仗改配馬偉昌執韁，已屆搏殺時候。「開心財星」今季只跑六仗，季尾而言馬匹體力乃勝負關鍵之一，可見已值得看好。負磅持續減輕兼同程曾勝，加上馬房剛戰有馬贏，手風可能就此轉順，隨時可搗亂大局。