私家路四班打橫行

不死鸟

數買自購馬好眼光，大摩敢認第二冇人認第一，此外今季胡森也引進唔少好?，代表作有「至勇威龍」，呢匹英國家鄉貨來港跑三場得兩贏一第三，被譽為下季打�舷Ｍ�，同主「至勇飛龍」上月尾在港初出亦跑第二，還有「驍將王」已獲一W兩P。今日馬房又有「好快活」粉墨登場，這匹四歲馬來自澳洲維省，響當地由韋健仕主理，今次人馬異地重逢，回看來港前七戰得三冠三季，屬於後上型短途馬，三場勝仗雖在鄉鎮馬場取得，但也於費明頓、滿利谷馬場上過名，水準唔曳，長線在三班應站得住腳，拖一票做保險腳唔反對。
第一場四班1200米亦有一對新馬，雖然「盈福」試兩次閘皆跑贏「私家路」一個名次，但個人觀點，跑到1200驚前駒難貫注到尾，反而較為喜歡「私家路」，老豆「藝高強」為均速長途馬，曾兩度作客香港瓶分獲亞殿，母親與「神殿」同血緣曾四勝900至1200米，加上同父同母細佬在紐一出贏800米，證明初出跑1200唔怕短，加上李易達今季新馬普遍急進，絕對有盯緊必要。