換咗領隊都唔掂黑池15不勝再反

猪拉多纳

黑池隊如其名，近排黑過墨斗，喺炒咗領隊恩斯、搵嚟中場巴利費格遜以球員兼看守領隊身份領軍後，成績都係未有改善。巴利費格遜帶隊後5場仲未取得首勝，令黑池累積15場不勝嘅劣績，而陣中王牌湯馬士恩斯更喺上月尾外借到水晶宮，今個夏天就可以自由轉會去其他球隊，到時黑池人財兩失，都咪話唔頭痕，依家黑池面對內憂外患，即使主場出戰都讓唔起伯明翰，揀讓球客勝好過。
近7次主場全細盤

另外，黑池主場同伯明翰作客賽事近期都例牌開細，黑池近7主場皆開細盤，而伯明翰近６場作客亦開咗5次細，除咗揀讓球客勝，亦可玩埋細盤。

（周六晚11時開賽）