AC讓波有森無力

猪拉多纳

巴神受傷攻力損

上周中歐霸盃賽事有唔少冷門賽果，其中奧地利名牌球隊薩爾斯堡作客大勝荷甲班霸阿積士，令唔少人大感意外，不過，行內人一早都知薩爾斯堡有料到，呢班波早前熱身賽砌低拜仁一戰姿態驚人，佢哋喺國內基本上贏硬冠軍，嚟緊可繼續跟進。反觀阿積士專注爭荷甲，心態明顯冇咁積極，輸波其實好合理。

講番今次重點出擊場次先，AC米蘭於歐聯搏殘，今場意甲作客森多利亞讓波必反！AC上場硬撼馬體會其實踢得好好，成場比賽起碼不落下風，算係今季其中一場代表作，不過班波把握力始終曳啲，最終輸波收場連帶士氣大受打擊，最大鑊係主將巴洛迪利仲踢傷埋，呢次哀兵上陣作客讓平半至半球，睇個款都係贏唔到，呢場可捧森多利亞下盤。

（TVB 302周日晚10時直播）
拖連奴偷祖記雞

同日意甲一哥祖雲達斯主場對拖連奴，今場係都靈打吡戰，論級數祖記確係較高，但呢類同市球隊對決往往咬得好緊，拖連奴近況理想，趁住對手踢完歐霸盃匆匆再戰體力輸蝕，隨時偷到雞，受讓球半、兩球好抵玩，下盤捧得過，要埋大盤博雙殺！

（TVB 301周一凌晨1時30分直播）