|
|
歐聯16強首回合，曼聯作客希臘奧林比亞高斯。紅魔鬼嚟到這刻如果今季想捧盃，機會只有兩個，就係冇機會同渺茫。冇機會係指英超現時落後榜首車路士15分，要爭標只係天方夜譚，連名宿舒米高早前亦親口同Peter講聯賽打定輸數，能夠保住來屆歐聯參賽資格已滿足。
另一個渺茫機會指歐聯，紅魔16強抽中對奧林比亞高斯表面上係好簽，但球隊積弱問題非一朝一夕，中路防守組合里奧費迪南及尼曼查維迪年事漸高，鬥心成疑，年輕一輩又未有實力接班，防線不穩成致命傷，中場方面，香川真司空有實力但欠出場機會，連帶上季有好表現嘅卡域克都顯得暮氣沉沉。
無可否認，莫耶斯喺球場內外嘅影響力難同費Sir相比，而且莫耶斯亦欠缺費Sir領袖風範及威嚴，但能否解決以上問題全屬後話，紅魔眼前最大目標係要先過奧林比亞高斯呢關，以目前情況根本唔容許佢哋首回合輸波，喺破釜沉舟嘅情況下，一眾紅魔或者可以踢出身價波，只要踢番幾場好波，唔排除捧盃機會由渺茫變成樂觀呢！
金句：莫耶斯缸瓦打老虎盡地一煲 |
|
金睛卡
发表于 2014-2-25 15:12
变色卡
显身卡