三和福將準得驚人

猪拉多纳

　　今晚重心為尾場三班1200米，馬膽睇好韋達坐騎「三和福將」，來港前在新西蘭三戰已獲一冠兩亞，而在港兩仗亦悉數入位，換言之，歷來五次出賽非勝即位，演出準得驚人。今仗雖然屬初跑谷草賽事，但其實早於一月初已曾渡江試閘，於韋達胯下走得暢順，看來應仄準場地性能，加上抽得一檔，亦有助發揮，可穩位望贏。

　　「劍飛聲」排外檔起步無疑吃虧，但以田草贏馬姿態看，轉戰谷草明顯賺了級數，絕對不可輕視。

　　另外，第七場三班1650米，「喜勁駒」本身體質較弱，以唞唞埋埋休出表現最好，今仗距上賽接近兩個月正合乎出擊模式。況且谷草一哩乃首本路，七戰獲一冠三亞兩季一殿全入前四名，賽績硬淨，又加埋排二檔好跑，已集有利條件於一身，勝望甚大。

　　「信心出擊」已連贏兩場，英國五歲馬現階段才大熟，而與柏寶亦相當合拍，「出擊」系向來逢出必拼，有力爭取三連勝。向東