拿玻里地頭滅天鵝

猪拉多纳

無敵主場歐戰全勝

史雲斯喺上場歐霸盃32強首回合，主場對意甲勁旅拿玻里踢得有板有眼，衰在臨門一腳處理得唔夠好，最後互交白卷。咁就大鑊喇！皆因「天鵝」今季歐霸盃作客打咗5場只贏過一場咁大把，撞正拿玻里今季歐洲賽主場全勝，一於撐2.12倍嘅「讓球主勝」。

(有線61、64、201及203、廣東體育周五凌晨2:00直播)
史雲斯作客唔掂

其實史雲斯首回合真係打得勁好，多次搞到拿玻里條防線散晒，全場控制住比賽，18次射門差唔多係對手3倍，弊在喺首回合重傷收咧嘅門將拉菲爾卡比爾，同之後入替佢嘅連拿都表現出色，多次勇救險球幫拿玻里守住大門。「天鵝」首回合贏唔到就大件事，事關佢哋今屆歐霸盃5場作客，除咗大勝華倫西亞之外，其餘4場波只係入得兩球，成績2和2負，睇見都得人驚。
希古恩意甲停賽搏今鋪

其實拿玻里同史雲斯差唔多，歐聯出局要踢歐霸盃亦因作客不濟，但佢哋主場就勁到飛起。當時歐聯F組被喻為死亡之組，但佢哋喺主場就連贏多蒙特、阿仙奴同馬賽3支勁旅，如果唔係得失球較輸蝕，依家已經踢緊歐聯16強啦！既然前鋒希古恩下場意甲對羅馬要停賽，今晚場波實去到盡，主場出擊值得睇好。