計得精明：瀟洒叻龍落班變身

不死鸟

每當有評分區域調高五分的賽事，大多數由高分馬取得甜頭，根據資料顯示，最近三仗以八十五分為上限的賽事，結果都由八十分以上的馬構成連贏，可見此類場合要特別留意高分馬。第五場三班二千二百米，評分區域亦上調至八十五分，信數據當然捧高分馬。

　　「瀟洒叻龍」實力在二班不足，但居三班上陣便佔到優勢，今次因評分區域調高五分，令此駒可以降班作賽，形勢即時由弱轉強。此駒上季一戰同程即勝，以一放到底姿態輕取「好著數」，計級數在三班可謂佔盡上風。今季連場冇表現後，今戰終於安排出爭贏馬路程，看來已露搏殺手影，由於近績麻麻，估計臨場必有好分頭，既然徐廐馬鬥志鮮明冷熱皆拼，只要際遇好一點，不難在此組重開勝門。

　　配腳方面，「錢程萬里」前仗出戰二班同程亦上名，該役負於「好知己」及「澤驛駿驥」得第三，但卻壓倒皇太后盃亞軍「喜威寶」，可見賽事水準甚高，此駒跑法主動，如場地利放便更添勝算。

衝勁直前成冷勿忘

　　「好著數」前仗後上一攻而破贏同程，蹄下敗將「好知己」升班跑同程即補中，可見這匹三班長途健將時刻要防。「衝勁直前」後勁凌厲，增程必更合，成冷勿忘。