馬風雲還我本色

不死鸟

近期馬圈熱門話題焦點在騎師冼毅力身上，事緣此位性格少爺仔於五一勞動節賽馬日，跑完第八場賽事之後其餘場次無座騎，他便提早離場返宿舍，點不知第八場他策騎「零距離」，被韋達策騎?「怡勝」碰撞失位兼勒避，競賽小組賽後罰韋達停賽合理，但事件涉及冼毅力座騎，因此要召冼毅力入研訊室畀口供，但冼毅力因為已離場，唯有電召他回來，點知少爺仔返回研訊室解釋時出言不遜激怒競賽小組董事有關成員，即時罰兩萬元，少爺仔聽後更無名火氣，即時拂袖走人，而競賽小組亦還以顏色，又即時宣布罰他停賽，直至另行研訊後得出結果為止，而經前日研訊後，即時再重判冼毅力停賽一個月。
從呢件事始末來睇，洛維客觀分析，似乎競賽小組有做大之嫌，無疑冼毅力提早離場無通知到競賽小組係唔�瘢�但記憶所及，之前亦有騎師或練馬師提早離場，而事後競賽小組需要此些有關人查詢時，亦會押後另日再詢問，而今次冼毅力係受害者，他已經離場點解唔可以押後擇日再詢問呢？似乎有大細超之嫌兼針對冼毅力。
第六場三班1650米。大摩馬房的「馬風雲」，觀其往績係匹谷草1650米專家，可謂獨沽一味，而此駒近三戰安排在泥地及草地1200米短途上陣，落敗而回意料中事，相信大摩派牠上陣，旨在給他以實戰來提升狀態，並唔係刻意縮程求冷，而牠經過連場實戰後，上仗在谷草1200米後上得第四，睇得到走勢強顯示勇態已攀升，今次跑回谷草強項1650米，藉態勇路合必可還我本色贏馬添進帳。
第八場一班1650米，「玉峽生輝」上仗增程跑谷草1650米，賽前筆者已在此欄全力推介，話明牠落腳轉慢，要增程方合發揮，果然馬匹在杜利萊出色留放下贏出漂亮一仗，既然馬匹找�穹较蛲境蹋�加上現處升軌，當然再追捧。觀乎上仗贏來有餘未盡，今次雖謂調升高兩班，但今組一班對手並唔係頂班份子，實際都係二班頂而已，以「玉峽生輝」能力居此仍舉足輕重，杜利萊超一磅都肯騎，就可知今戰贏馬機會仍在。