瀟洒勁龍持續反彈

猪拉多纳

　　今期三T雖然沒有多寶累積，但由於各場形勢頗為混亂，估計會有不俗分頭，值得動動腦筋。

　　三T頭關第四場四班泥地1200米，最四平八穩一定係「偉寶之星」，季內四戰同程共獲一冠兩亞一殿，演出十分準繩。今次等番強項路程先出，又適逢最佳拍檔莫雷拉停賽復出，做膽可靠。

　　次關第五場四班草地1800米，「瀟洒勁龍」英國自購馬今季踏入五歲明顯大熟大勇，近三仗五班1800米共獲兩冠一亞，表現出色。今仗雖然升班上陣，但本身來港時評68分，可見現時43分仍有大幅反彈空間，柏寶兩戰全勝人馬夠晒合拍，原庄再來對手不太強，要三連勝未必係奢望。

　　尾關第六場四班草地1400米，「信是有緣」上場增程到此即能打開勝利之門，終於搵到最佳路程；環顧今場對手，實力未算強，加上四檔早段可守好位，待入直路才發力，就算唔贏都應該穩佔三甲一席。（向東）