飛躍之駒唔怕重磅

猪拉多纳

　　今日田戰共安排了三場泥地賽，其中最高班為第七場三班1200米，「飛躍之駒」獨擅此程，已累積四冠四亞兩季八負，上名率超過五成。上場同程強配杜滿萊，臨場竟然係19倍冷門，結果只得第四，攻堅決心大有疑問。復課後埋門韋達接手並親自彈草閘，盡顯誠意，而過往負133磅亦曾贏馬及上名，足證唔怕重磅，未交代馬值得看高一線。

　　冷門介紹「飛馳大道」，來港前正正就是在膠沙地1200米贏馬，今次轉戰泥地一定啱發揮，改配近期騎練合作成績不俗之郭能，當然要兼顧。

　　另外，第八場二班草地1000米，應是「神舟十號」的表演賽，雖然係初上二班出賽，但對手其實絕對不強，可能更不及第九場三班同程一組，如無意外必先過終點。

　　配腳方面，「安琛」及「沙紙」此程有根據兼近況不差，均是正路之選，冷門可留意「喜喜寶」，熱完身即強配巫斯義，來頭唔細之馬隨時殺入一席。

　　(向東)