比翼雙飛一箸夾中

不死鸟

買英愛自購馬好講運氣，氣候、水土都要重新適應，歷史告訴我們，大摩似乎少有呢方面?煩惱，大賽皇牌「爆冷」固然長贏長有，「閒話一句」今季來港贏打吡亦係最佳證明，不過同期抵?的「步步快」、「頭盤」及「心歡笑」先後上陣，表現都唔多理想，一句講晒時辰未到。

今次出場「比翼雙飛」，響英國跑四場得兩勝一位，兩場二級賽成績只係一亞一第五，但來港評92分拍得住二級賽冠軍「步步快」，反映出評磅員幾咁重視，查番「比翼雙飛」於二級賽不敵油王名下、再出差點贏愛爾蘭國家錦標一級賽?SHAWEEL，當時兩歲第一次跑1200米，可以話雖敗猶榮，要知道先前兩場勝仗，都係純跑速度贏直路1000米。睇番「比翼雙飛」來港後試三個大閘，白德民都刻意留住掩藏本身速度，同主「鳥語花香」一出即勝前試閘又係有相同手勢，今次初出跑外地贏開的1000米直路賽，只要肯下決心，同組對手都要俯首稱臣。