高嶺福星千二贏得

猪拉多纳

　　今期沙田日馬介紹第五及九口孖寶。

　　第五場三班1400米，「好老友」上場跑嫌短之1000米兼弱配吳嘉晉，單憑一條直路已追多個馬位得接近第四。今次韋達攞番嚟騎亦不無道理，事關騎者經常操住又曾跑過兩次，可期打開勝門。薛廐「威武福星」改配潘頓亦來者不善，騎練近四匹合作馬獲冠亞季負各一，應到位。

　　第六場三班1200米，「高嶺福星」上仗雖初出，但隔晚落重飛，存心一出即食，可惜只得梗頸四，今次縮程回跑來港前一戰即勝的1200米，可補中。「美麗里程」在港唯一頭馬正是配吳嘉晉取得，人馬再合作不可輕視。

　　第九場三班1800米，「卡通飛飛」近兩仗排外檔都入Q，今次一檔應該贏番場。「桃花心」評分肯定未盡，只要可克服頂磅及大外檔劣勢，也有爭勝力。

　　第十場二班1600米，「勝利之星」向來好開就好，加上季內跑得少體力佔優，回跑贏馬路程係時候交代。「勝飛」後勁凌厲，今次跑長二百至1600米會更合，可食尾胡。耀鈞