曼城躁爆搵侯城出氣

猪拉多纳

4日內連跌兩盃後，英超富豪球會曼城重新出發爭奪英超冠軍，今輪將會作客侯城，曼城眾球星谷埋一肚火，今次會將怒氣全部發洩喺侯城身上，有力反客為主大勝一場，要讓球客勝！

（now 621周六晚8時45分直播）

曼城上周於足總盃8強爆冷不敵韋根，上場歐聯再被巴塞隆拿搞掂，四冠王美夢幻滅，依家只剩番英超可爭，但目前踢少3場落後車路士9分，並冇失分空間。
耶耶叫莫連奴收聲

中場大將耶耶托尼為戰友減壓，強調車路士先係奪標大熱，佢同時鬧車帥莫連奴好多嘢講，叫佢唔好多管閒事。曼城射手阿古路受傷休戰，但箭頭祖維迪有望復出，兩大中鋒尼格度同迪斯高都踢得，有力強攻對手。

侯城方面，剛於足總盃殺入4強，守將居迪斯戴維斯連續3場有士哥，踢到上晒身，射手沙恩朗同謝拉域今戰都復出，前線兵源充裕。侯城近兩次主場對曼城不敗，往績不落下風，但呢支中下游球隊要面對決心反彈嘅曼城，未必頂得住，客勝穩陣，進取可捧埋讓球客勝。