韋達贏得就贏

猪拉多纳

　　近排莫雷拉繼續獨領風騷，啱啱又3W2P封王，依家買騎師王如果飛佢，真係好似同錢鬥氣，就以再之前一期為例，雖然只得1場頭馬及3個位置，一樣可以僅僅熟，唔到我哋唔服。目前佢同潘頓頭馬相差8場，表面仲有啲距離，以佢贏馬頻密程度，其實三兩期已可追及。

　　而現時在騎師榜第三位嘅韋達，聲勢當然冇得七七八八，爭冠軍機會凍過水，畀佢過得潘頓，亦難過到雷神呢一關，十四連冠99.9%無望。依家贏得就贏，騎得就騎，別無他想。

　　但係有雷神、潘頓、安國倫爭飯食，韋達冇以前咁易搵到筍嘢，近排贏馬都係一場起、兩場止，連中三元更加係難上加難。如果唔係同幾個大倉加強合作，一定仲難捱。

　　今次韋達手馬唔曳，可惜手風及聲勢唔多順，唔敢期望佢可以連場殺馬，贏到兩場已經稱得上係心滿意足。

　　第四場「甜城效應」啱啱由韋達爆大冷，廿幾倍W贏得好easy，唔知係咪爆軚之作，可以肯定係胡森寶藏，追寶尾唔怕；第七場「大運財」及第九場「桃花心」，近仗賽績靚，勝在好穩陣。(Jack)