祖記獻「細」難炒熱拿亞

猪拉多纳

留力歐霸盃煲魚生粥

意甲一哥祖雲達斯今晚作客熱拿亞，射手洛蘭迪、中場派路預料會復出。但係「斑馬軍團」要分心下仗歐霸盃作客費倫天拿，未必會出全力炒起對手，1.93倍入球細值得一試。

（TVB301周一凌晨3:45直播）

「斑馬軍團」今季可謂打遍意甲無敵手，今輪聯賽開始前拋甩打少1場嘅羅馬14分，但係主帥干地同派路都話佢哋未攞硬冠軍，仍需專心應戰。

不過，祖記喺上場歐霸盃16強首回合主場只能打和費倫天拿1:1，周中次回合仍然要搏殺，難免令「老婦人」未能喺聯賽全力出擊。就算佢哋今晚可以贏到熱拿亞，相信只會小勝一、二球，炒唔起對手。
主隊後防缺兩主將

熱拿亞上仗作客基爾禾，原本以為可以憑住完場前基拿甸奴建功執走1分，點知球隊最終喺補時階段畀對手射入12碼絕殺，打斷聯賽4戰不敗氣勢。

事實上，熱拿亞今季主場迎戰費倫天拿、拿玻里等前列分子都輸波收場，加上中場艾錫高菲爾停賽，一對守將維沙積高、甘巴連尼養傷，睇怕今仗都係畀「老婦人」睇住嚟食。