光速銀桂轉場有「粉絲」

猪拉多纳

　　啱啱跑完打吡，跟住嘅夜賽通常係海軍鬥水兵場合先啱，但噚日睇飛，竟然發現好幾場都搵到重心大熱門，而第六場「英勇大師」同第八場「金滿載」仲一度唔夠2倍，睇嚟穩如鐵塔。

　　至於怪飛馬，周某發現四匹初跑谷草嘅馬有墊底飛（見表），當中尾場「卡加動力」仲係首次在港上陣，以前呢啲初跑谷草馬通常唔受馬迷歡迎，呢鋪一反常態要信。四駒中，我鍾意第二場「光速銀桂」，呢匹馬至今九戰，分別大前仗第三同前仗贏馬，而呢兩場嘅賠率都係10倍以下，反觀上仗升上四班，個W有16倍即跑第十，或多或少證明佢飛到馬到。今次轉來谷草，強配莫雷拉兼排二檔，隔晚得2.8倍，贏得。騎師王方面，潘頓隔晚賠率曾由6倍跌至5.5倍，可能有料到。(周仲)