祖記重臨凶地費倫叉足電搏殺

猪拉多纳

歐霸盃16強對碰另一好戲碼，祖雲達斯喺首回合放虎歸山，主場畀費倫天拿逼和1:1，令球隊今仗變得被動。「斑馬軍團」今晚作客法蘭基球場惡戰「紫百合」唔易踢，1.8倍「讓主」值得一試。

（有線64及廣東體育周五凌晨2:00直播）
馬里奧高美斯復出腳風順

祖雲達斯今仗隱憂唔少，中場馬治斯奧、守將巴沙利等人唔踢得。老將派路、基亞連尼等主力上仗意甲鬥熱拿亞又踢足全場，苦戰至89分鐘先打破僵局取勝，消耗唔少。咪忘記「斑馬軍團」今季聯賽唯一一場敗仗就係作客輸畀「紫百合」，當時仲要喺領先2球下反輸4球，今仗重臨「凶地」仲要讓波點捧得過？

相反費倫天拿勁重視今仗，上場聯賽收起大部分主力，預料射手馬里奧高美斯、中場阿古蘭尼、守將史提芬沙域等好手將重任正選。前鋒馬里奧高美斯復出後狀態不斷提升，近2場更連番建功，有力威脅「斑馬」防線。中場岩布仙尼賽前提醒隊友，咪以為揸住1粒作客入球好穩陣，相信佢哋今晚一定謹慎應戰，祖記唔係話贏就贏。
首回合︰費客和1:1