獅吼 勝利「大」打出手

猪拉多纳

澳職榜首戰唔衰得

澳職今日上演榜首大戰，由「一哥」布里斯班獅吼主場迎戰「二佬」墨爾本勝利。現時形勢非常有利「獅吼」，因為佢哋只要今場贏波，就可以提前成為常規賽冠軍。但係墨爾本勝利都要保住第二名，因為入到季後賽同樣可以「以逸待勞」，直接踢四強，唔使打餐死。兩隊儘管季後賽資格十拿九穩，但相信唔會留力，今場會放開包袱互攻一場畀球迷睇吓，1.65倍「入球大」值得支持。

（有線64及203周六下午4:45直播）
勝利有前冇後近5場失10球

布里斯班獅吼依家喺榜首有九分優勢，成為常規賽盟主只係遲早問題，如果今場贏波更加可以即刻搞掂，所以球隊希望早早完成任務，咁最後三場波就可以畀班主力休息叉電，準備季後賽。

「獅吼」前鋒貝利沙今場停賽，後防哥利布朗亦受傷缺陣，不過有守將法蘭積同諾夫傷愈復出，兩個換番兩個，都算冇乜損失啦。「獅吼」近五場主場有四場入兩球或以上，睇嚟今場一定可以同「勝利」搶攻！

墨爾本勝利上周殺上第二位，但只係比第三位嘅西悉尼流浪者多一分，若果要保住次名位置輪空季後賽首圈，嚟緊剩番嗰幾場常規賽不容失分。佢哋近期大玩有前冇後，一味靠驚人火力保住好成績。

睇番「勝利」近五場聯賽喪入12球，但後防都失咗10球咁多！雖然係咁，但不過今場作客，相信都唔會守o架啦，入波同失波肯定陸續有來，咁揀「大」係咪好合理呢？
頂占筍盤：布里斯班獅吼（入球大）