世界漫遊:正本仁心省招牌

不死鸟

 曾經聽前輩講過，好多馬匹因為響陣上唔會留力，所以每跑完一場賽事都有唔同程度嘅勞損，輕則肌肉痠痛、筋骨扭傷，重則內出血、斷腳，分分鐘連命都冇。

       記得響舊年喺肯塔基打呲，以全場唯一馬女身分勇奪亞軍嘅?Eight Belles，響過終點之後就因體力嚴重透支倒下，最終魂斷邱吉爾園。

        至於今屆肯塔基打呲，雖然冇再出現同類嘅傷感場面，但係都有損兵折將。賽前被視為奪標熱門、響比賽當日宣布退出?I Want Revenge，日前照過內窺鏡之後，證實右前腳腕韌帶傷裂情況加劇，起碼要抖個幾月，更有可能提早收山。

        至於另一匹傷患馬，就係高多芬陣營嘅「沙漠派對」（Desert Party）。呢匹應屆阿聯酋二千堅尼盟主，當日只跑第十四名，唔單止未能一圓藍衣兵團贏出肯塔基打呲嘅多年心願，賽後更被驗出左前腳腕生骨刺，需要做手術切除，短期內唔可以再上陣。雖然幕後有信心此駒他日可以復出，但能否回復當年勇﹖答案真係天曉得。

       明日賽事，睇好第八場二班一千米嘅「正本仁心」，上仗贏馬後雖被驗出左前腿不良於行，兼肌腱有早期傷患及懸韌帶內側分支受傷，但係近日試跑表現醒神，有望替新接手嘅蘇保羅省靚招牌。