鐵哥們非池中物

不死鸟

「再領風騷」馬主鄭強輝近年都有幫襯馬會拍賣會入貨，上一季就用?650萬買入「鐵哥們」，可惜匹馬左前腳唔妥，搞?一大輪明日終於處子登場，本身跟短途王「蓮華生輝」同出自ENCOSTA DE LAGO，母系血統雖不屬名門，但外祖母與ENCOSTA DE LAGO交配所生的CHONG TONG，亦即「鐵哥們」?四分三兄長，響澳洲六捷包括三場三級賽，另於閃電錦標一級賽得季軍，由此反映「鐵哥們」質非泛泛，家陣未肯閹幕後梗有期望，初出用王牌又排1檔，吼住冇蝕底。「齊齊威」出自新晉早熟父系ISHIGURU，但毛色肖母，跟半兄弟「強駒」同屬栗色，長線跑1400米必到，3歲第一次出驚唔夠氣。
至於一年前已到港?「得?」，唔明點解家陣至跑，仲要由石?轉到胡森馬房，雖與「精英大師」同出一脈，但下線血統平凡且是媽媽首胎，能力成疑，初出難以看好，宜先看一回。