精英碟郭能世界 一線人馬缺陣

猪拉多纳

多匹頂級佳駟出戰杜拜，加上莫雷拉今戰停賽，巫斯義及韋達亦只騎尾段場次，多位一線人馬缺陣，令到本屬冷場的G3精英碟更加名不副實，跑罷杜拜趕返並騎足十場的郭能頓成主角，「同個世界」亦可望在精英碟中擔正。
       
「同個世界」季內曾勝三級賽，卡士不用懷疑。

本地三級賽精英碟只得六駒角逐，計級數及季內成績，已拿下2W的「同個世界」頓成爭碟主角，賽前準備工夫做足，郭能有信心奪標而回。他說：「『同個世界』前仗出爭G3同程百週年紀念銀瓶，因遲遲未能望空，只能跑獲一席季軍，但級數及路程性能已有往績根據。今次備戰周詳，試閘輕鬆跑第二，狀態保持爭勝水準，今場出馬少，受阻機會大大減低，只要直路順利望空衝刺，有力取得今季第3W。」
       
郭能卜滿坐騎，有機會做番次主角。
執到寶閘閘進步

另外，容廐自購新馬「執到寶」初次上陣，郭能亦有不俗評價，他續說：「『執到寶』三度試閘均交出不俗走勢，愈見進步，惟始終只是三歲，未有實戰經驗，仍然有點稚嫩，希望屆時有步速形勢配合，有助發揮應有水準。」