吳嘉晉繼續「進攻」

猪拉多纳

　　吳嘉晉拜告仔為師逾月，剛戰終於作零的突破，「名駒」雖然未竟全功，卻仍闖入大冷Q腳，位置高達6.2倍，對一眾長期吼實師徒二人的捧場客，總算得到不俗回報。

　　「名駒」力拼得亞，究竟是告仔有心造就？抑或晉仔神來之筆？甚或是坐騎本身夠勇，馬帶人返？姑勿論原因，但見晉仔表現漸有起色，明晚他策兩匹東廐馬上陣，當有提高警覺必要！

　　第五場「進攻足球」季內連輸八場，近仗名次愈跑愈後，表現失望之極，猶幸評分一直下調，如今已屆歷史低位，預期應有力反彈。今仗「進攻足球」角逐谷草1650米，贏輸暫且不知，惟牠過往三奪頭馬，其中兩次是跑同程建功！查此駒季內上陣八次，無一出爭今仗路程，相隔多時才回歸勝途，不排除是減夠分，今鋪靜極思動了！

　　第六場「幸福指數」前仗在港初出跑谷草1000米即入位，剛戰直路賽則三甲不入，負於頭馬五乘許，敗得頗為難睇。就賽果推測，此駒性能可能谷優於田，告仔今棄蔡明紹，改配晉仔獲5磅優惠，極盡收復前失意圖！