準備就緒毫無疲態

猪拉多纳

　　第五場四班馬1650米，方嘉柏馬房「準備就緒」二月中才初出，由1200、1400再扳上1600米，這三場賽事僅在一個月多內完成，對於一匹全無作戰經驗的PPG來說，上陣日數雖然太密，但此駒表現卻仗比仗好；其中前仗第二回合首度跑1400米換上潘頓，當日的C跑道乃外後上馬極不利的場地，惟此駒卻以強橫後勁跑入第四，負於頭馬不足兩個馬位，就這一仗的表現，當時已覺得屬超班貨色。

　　「準備就緒」上場再加程二百扳上1600米，無疑此仗被頭二馬略略拋甩多少，但本身初跑1600米在早出頭下，也同樣拋甩了主馬群，賽績水準絕對是有保證。今次相隔10日再跑，嚴格來說日數太密，不過自上仗拼後小休一天已經復課，接每日也維持適量踱步運動，外觀所見完全唔覺得有疲態。如今搖身一變轉跑對手較弱的谷草賽事，有埋五檔幫手，我就唔怕會輸場地！

　　第七場三班1200米，潘頓又有惡馬在手，姚本輝馬房「遊俠兒」前仗同程贏馬姿態有餘未盡，上場無打贏，對於此來說，並不覺得奇怪。今次相距五周再跑，潘頓唔放手還親自試谷草大閘來備戰，戰意鮮明可信賴。廖浩賢