綫路財星戰意十足

猪拉多纳

　　巫斯義今季的合約期即將屆滿，今次是其最後一戰，跑罷便離開香港，趁這最後機會，傾力數胡可以預期。

　　事實上，剛戰已見阿巫搏老命，可惜「高山威龍」、「穩佔先機」和「愛的呼喚」全部飲恨做「二奶」，「自由式」則跑第三。

　　所謂臨別秋波，這位沙場老將豈會錫身，今獲六倉支持，其中以文家良最有關照，分別提供三駒搏殺。「駟馬難追」、「大笑大少」和「路財星」上仗俱前列歸來，近況皆勇銳，阿巫連場手執靚馬，一為報答幕後支持，二為個人設想，搏殺必然老實不客氣，與其留來益下家，不如拼盡爭獎金，所以在公在私，阿巫戰意絕對百分百！

　　第六場「路財星」季內三戰兩捷，贏馬皆出自阿巫之手，今次角逐1600米，此程乃新嘗試，三歲馬重負133磅，可有本事再下一城？若是別人策騎，賭博士尚且顧忌三分，今次勝在續配阿巫，人馬合拍無疑，騎者鬥志亦高昂，獎盃當前一定砌盡。