皇者拍檔飛到馬到

猪拉多纳

　　呢排天氣都好唔穩定，場地偏差真係好難估。跑馬地賽事本來已經混亂，加埋落雨呢個因素就更加麻煩。唔怪得隔晚除第三場「英勇大師」熱到唔夠2倍之外，其他場次飛數都亂到爆，睇都係爆冷格局。

　　至於怪飛馬方面，揀第七場「皇者拍檔」，話說呢匹馬上仗跑谷草1800米，獨贏成11倍，今次一縮番落贏馬路程1650米，搵番潘頓操刀，票數即刻唔同晒，隔晚曾得4.5倍。呢匹方馬向來飛到馬到，至今共有四仗獨贏5倍以下，結果全部入前四名，獲冠亞季殿各一（見表），若果閘前佢飛數仲係咁勁，真係咪走雞。騎師王方面，潘頓、莫雷拉同韋達賠率完全拋開其餘騎師，睇三個鬥法，周某較喜歡潘頓，一於揀佢。周仲