賭馬偏門要信邪C欄wt檔旺開就旺

猪拉多纳

　　好多時賭馬要信邪，偏門嘢，邊有咁多正頭正路，如果真係咁順攤，長期買雷神、潘頓、韋達，已經足以令大家致富啦！就係唔會場場賽果正常，先至難賭，呢個現象，大家一定認同。

　　難中，派彩唔好分，已經係公開事實，買場馬，畀你扑中，以為派彩豐厚，點知原來大戶落重飛，最尾打到熱一熱，空歡喜一場，呢種情況相信你我都經常遇到。

　　賽事唔易中，谷草更加難，如果信邪，近期C欄，有兩個檔位特別旺，分別係2檔和5檔，排呢兩個檔位之馬頻頻跑入前三名，快活谷賽事，往往睇檔位做人，既然順開，信吓無妨。

　　咁都得1200米強項

　　睇過今晚8場2檔和5檔馬，搵咗幾匹出嚟畀大家參考，第四場「咁都得」，1200米好手，排內檔，靠放事半功倍；第五場「大將軍」冇跑一輪，今次突然強配，無私顯見私；第七場「如你所願」，近幾場表現好穩定，實力可能在一班殺唔晒，勝在成日追得勁；第八場「勁感」，準到無倫，一哩專家續配杜利萊，重磅都唔可以睇小。(Jack)