醒目波幅滇仔開齋

猪拉多纳

　　因為復活節假期關係，今次沙田日馬將於下周一舉行，但嫌等得耐的話，明日已有七場澳洲賽事轉播來港受注。其實上周才轉播完七場澳洲賽，香港馬會匆匆相隔一周又安排，明顯太頻密。事實普羅馬迷對越洋賽認識一定唔深，有得睇咪買番多少當玩吓，如果以為播得多投X額就多，隨時變成濫播，就連欣賞興趣都喪失埋。

　　講番下周一本地賽，第九場二班泥地1200米乃當日最高班賽事，呂健威馬房「醒目波幅」踏入今季表現再進一步，頭三仗全數獲勝，上場更進軍一級賽女皇銀禧紀念盃，可惜對手實力太強，而1400米也明顯嫌長，最終雖落第而回，但賽績絕不可作準。今次跑番普通二班賽，形勢大不同，況且泥地1200米一戰即勝屬強項，排一檔起步亦有利，鄭雨滇有望憑此駒打開今季勝門。

　　輕彈錢笑升班阻力細

　　「輕彈錢笑」上仗初跑同程即勝，雖則蹄下敗將實力唔算強，但末段能於劣勢下反先對手，鬥心旺之餘，亦可見場地性能突出，今升班再戰阻力不太大，仍屬爭勝分子。「經典皇牌」跑1200米一定短，不過泥地性能出色，如賽事步速快，可憑後勁追入一席。

　　耀鈞