恩格斯有墊底飛

猪拉多纳

　　今日係女皇盃大賽日，啲大馬房梗係擺晒啲惡馬出嚟攞威，所以隔晚好多場都搵到重心馬，睇嚟爆唔出咩花款，都係捧番熱門穩陣。

　　噚日睇飛，發現兩匹上仗跑獲殿軍嘅馬受到注目，佢哋分別係第四場「甜哥兒」同第七場「恩格斯」（見表），周某自己就鍾意「恩格斯」多啲，所以推介畀大家。「恩格斯」今季七戰雖然唔贏，但有六次跑入前四名，演出算係穩定，偏偏近三仗嘅賠率都唔熱，徘徊喺8.6至16倍呢個範圍，結果全部都跑第四。不過，今次佢明顯有墊底飛，曾得4.8倍，同前幾次嘅情況有唔同，唔通呢次先見真章？一於信佢。

　　騎師王方面，近排都係潘頓、韋達同莫雷拉之爭，但係佢三個隔晚竟然冇人熱到透，反而今日開始騎至煞科嘅貝湯美得7.5倍有信心，可亂大局。

    (周仲)