護級生死戰撐卡城下盤

猪拉多纳

英超今晚有場矚目榜首大戰，氣勢如虹嘅利物浦遇上車路士，初盤利物浦讓半球至半一，由於車仔要兼顧歐聯戰線，賽前教頭莫連奴事先張揚會出副選，消息傳出之後，各地莊家進一步調整盤口，「紅軍」足足要讓一球。車仔唔齊腳利物浦都冇理由讓咁多，依家上盤絕對唔抵玩，「紅軍」為爭冠必主攻，相信入波會偏多，大盤更值得留意。

同日英超仲有場護級關鍵戰役，新特蘭主場對卡迪夫城，「黑貓」連續兩場硬撼車路士同曼城都成功搶分，所以唔少人都認為佢哋有機會逃出生天，亦因為呢兩場嘅靚績，今次面對護級大敵卡迪夫城備受睇好，現時要讓半球至半一。老實講新特蘭如果咁叻就唔使包尾，打護級戰讓波同鬥強隊大幅受讓係兩回事，兩支同級球隊對決，「黑貓」讓平半至值博，依家明顯讓多咗，可捧下盤。

（now 622周日晚7時直播）
愛奴風流波信唔過

至於西甲護級球隊艾美利亞就會作客愛斯賓奴，艾美利亞作客八連敗，淨睇賽績真係唔開胃，不過，去到季尾階段，佢哋真係要全力搶分護級，反觀對手位置唔上唔落踢緊風流波，兩隊作戰態度差好遠，而愛斯賓奴仲要讓到半一，梗係信唔過啦！

（周日晚6時開賽）