奧妙繽紛戰意鮮明

猪拉多纳

　　今次谷戰提供第四及第七口孖寶。

　　第四場四班1650米，「馬利多」上場初配韋達跑同程即獲第二，取得在港首次上名，亦可見人馬夠合拍；事實告仔近期頻頻倚重韋達搏殺，而勝出率亦相當高，此駒可望順利補中。「莫己若」前仗休出於同程上名，上場田草對手強可當回氣，今跑番谷草一哩喜排內檔，必把握爭勝機會。

　　第五場三班1000米，「奧妙繽紛」獨擅同程，季內除了前仗途中受他駒影響被迫走大外落第外，其餘三仗共獲兩冠一季表現出色；今季谷草同程已無多，戰意一定鮮明。「天心星」雖然初跑谷草，但早前刻意渡江試閘，而走勢亦不差，場地性能應試準，不可輕視。

　　第七場三班1200米，「劍飛聲」一連兩仗同程均排大外檔起步，未跑都已輸九成，但演出卻不俗，前仗後追第四，上場跟前就第二；今次有運排一檔，如無意外可贏番場。「確威龍」轉戰同程後演出穩定，六戰獲一冠兩季兩殿一第五全有獎金，今次回配贏馬拍檔潘頓，勝望提高。

　　第八場二班1200米，「同個夢想」同程兩出兩捷，強如「金滿載」亦是蹄下敗將，可斷言屬新一代谷草短途王，檔佳贏面壓一。「環保戰士」今季百萬挑戰盃盟主，亦是同程強手，也有一拼之力。耀鈞