繽紛會馬身夠壯

猪拉多纳

　　昨晨雖非主要的課期，惟跳馬頗多，出戰冠軍一哩賽的海外代表馬大有睇頭。

　　「繽紛會」馬安東在草地試四百米，按韁慢跑，馬身夠壯，有股懾人氣勢，絕非等閒之輩。

　　「欣喜之淚」助手在草地試千二米，戴上頭罩，直路上鞭騎考驗，以勁勢撲過終點，四蹄盡展，彈力充盈，初步印象不錯。

　　「馬勝威」助手先在大圈踱一匝，再在草地試四百米，冇之前咁急，情緒有改善，對環境漸漸適應。

　　「一馬當先」助手試四百米，步伐雄健，身強體壯，情緒更集中，愈戰愈勇。

　　「董事長」助手與「百勝不厭」郭能相偕試八百米，前駒佔先乘多帶放，後駒亦步亦趨，直路上均加快腳步，外檔的「百勝不厭」三扒兩撥便趕上，平分秋色，動作靈活，朝氣蓬勃，更趨成熟；「董事長」雖未落下風，惟走勢普通，略進而已。

　　「傲飛星」韋達試八百米，腳法頗熟，收身上力，走來似模似樣，在冒起中。

　　「醒目精伶」貝湯美試八百米，郭能策「星爾頓」相伴，前駒主動帶放，電算機前受到侶挑戰，奮力抗衡到底，贏一馬頭過終點，鬥心湧現，仍具作戰水準；後駒初起未夠。

　　「精精彩彩」助手試八百米，出腳有力，神生火旺，身形現線條，續好多少。

　　「野外桃源」莫雷拉試八百米，步伐整齊，體力冇問題，神色亦好，近況不錯。